Безбедносен оперативен
центар - решение за сајбер безбедност

Безбедносен оперативен центар

Безбедносниот оперативен центар (SOC - Security Operation Center) е систем којшто функционира како централизирана точка за надзор, анализа и реакција при безбедносни инциденти во реално време. Тоа е решение коешто исто така содржи и напредна компонента за следење и детекција на потенцијални сајбер безбедносни закани, коишто се голем ризик не само во однос на материјалната штета што можат да ја предизвикаат кај деловните субјекти, туку и во однос на репутацијата на нападнатата компанија.

Безбедносниот оперативен центар (SOC - Security Operation Center) е систем којшто функционира како централизирана точка за надзор, анализа и реакција при безбедносни инциденти во реално време. Тоа е решение коешто исто така содржи и напредна компонента за следење и детекција на потенцијални сајбер безбедносни закани, коишто се голем ризик не само во однос на материјалната штета што можат да ја предизвикаат кај деловните субјекти, туку и во однос на репутацијата на нападнатата компанија.

Додека антивирусните програми обезбедуваат основна заштита на веќе познати закани, а услугите за интернет безбедност (DNS - Domain Name System) обезбедуваат заштита од закани коишто произлегуваат од небезбедни интернет страници, SOC обезбедува целосен систем којшто вклучува:

мониторинг на мрежата,
анализа на податоците,
реакција по настанат инцидент и
одговор за разрешување на безбедносните нарушувања.

Дополнително, SOC обезбедува напредни аналитички способности меѓу кои и стражување на необични активности и детекција на нови видови закани. Системот ги следи и реагира на различните безбедносни инциденти (неочекувани и напредни напади) со проактивен пристап насочен кон одвраќање и управување со инцидентите.

Кај организациите без SOC решение можат да се појават сериозни предизвици во поглед на обезбедувањето на системите и податоците. Заштитата со антивирусни програми е ограничена и со недостатоци во однос на новите и напредни форми на малициозни напади. Без централизирано место за надзор и реакција, компаниите се оставени на сопствените лимитирани ресурси за откривање и решавање на инцидентите, што може да резултира со забавен или несоодветен одговор на заканата.

Системите без SOC, поради недостатокот на целосна анализа и мониторинг, се подложни и на неочекувани напади како на пример фишинг (phishing) или напади на апликации кои изгледаат како обични датотеки и можат да ја избегнат првата линија на заштита и со тоа да создадат ранливост на системот.

Ова решение е идеално за компании коишто имаат ограничен број или воопшто немаат ИТ експерти за безбедност, коишто имаат делумна заштита и кај компании коишто се со пониска свесност за сајбер безбедноста. Решението се нуди и во форма скроена за помалите, средните и малите компании.

Тимот на SOC на Македонски Телеком ја следи безбедноста на крајните точки, серверите, базите на податоци, мрежните апликации, веб-страниците и другите системи за да открие потенцијални сајбер напади во реално време. На пример, ако решението коешто е имплементирано во компанијата забележи некоја необична активност во компјутерската мрежа, како надворешен обид за нелегален пристап или вирусен напад, информациите за овие инциденти би се испратиле до SOC. Таму, нашиот инженерски тим за сајбер безбедност би ги прегледал и би направил анализа на овие инциденти, би ги идентификувал заканите и би предложил соодветни мерки за спречување на можното нарушување на безбедноста и сигурноста, вклучувајќи и изолација (quarantine).

Овој процес може значително да го подобри нивото на сигурност и заштита на компанијата.

Позначајни предности на нашето SOC решение се:

Високо ниво на детекција на сајбер напади
24/7 инженерска поддршка
Повеќе од 180 инженери коишто поддржуваат технологии од различни светски производители и коишто поседуваат различни релевантни сертификати од областа на сајбер безбедноста
Придржување до ISO27001, PCI-DSS, безбедносните стандарди на Дојче Телеком
Размена на информации и соработка помеѓу SOC центрите во рамките на Групацијата Дојче Телеком во однос на можни безбедносни инциденти и закани
Големо искуство стекнато со практична работа за заштита на реномирани компании и институции, и
Преку 125 референтни корисници.

Безбедносен оперативен центар

{{Title}}