ТЕЛЕМЕДИЦИНА 1: Kардиолошко ИТ решение

Македонски Телеком, како технолошки лидер и општествено одговорна компанија, значително инвестира во развојот на решенија од телемедицината.

Напредното кардиолошко ИТ решение на Македонски Телеком претставува синтеза на иновативни хардверски, софтверски и телекомуникациски компоненти за унапредена здравствена заштита и подобрување на административните процеси во здравствените кардиолошки установи. Оваа услуга вклучува специјализирана платформа со апликација наменета за работа со медицинска опрема којашто обезбедува:

Поврзување на нови и постоечки медицински уреди во облак на Македонски Телеком. Притоа, Македонски Телеком може да му обезбеди на корисникот медицински уреди од врвни светски производители;
Централизирана софтверска платформа за сеопфатна анализа на кардиолошки податоци;
Системско решение за далечинско читање на постојните резултати од друг доктор специјалист. Ова е особено важно во случај на потреба за второ медицинско мислење;
Автоматизирана дигитална споредба на повеќе резултати на ист пациент направени во различни временски периоди. На овој начин платформата му овозможува на докторот специјалист лесно и прегледно да го утврди ефектот од препишаните терапии или менувањето на здравствената состојба кај пациентот со текот на времето;
Автоматизирана анализа на резултати и давање прелиминарна дијагноза врз основа на анализата. Со оваа функционалност платформата има советодавна улога за докторот, користејќи знаења коишто се емпириски вградени во неа;
Електронски записи без термална хартија од медицинските уреди, освен по потреба. На овој начин се намалува трошењето хартија и се обезбедува електронски запис којшто не избледува со текот на времето;
Споделување информации и соработка меѓу докторите специјалисти по потреба; Безбедно чување податоци во физички и дигитално заштитена инфраструктура;
Безбеден пренос на податоци до давателите на здравствени услуги преку мрежата на Телеком.

Кои се другите предности на оваа платформа?

Дополнителните предности произлегуваат од тоа што системот обезбедува:

Подобрена чувствителност при толкувањето акутен исхемичен синдром;
Мерења на ЕКГ и техники за споредба на бранови форми за да се зголеми точноста во откривањето промени;
Гарантира репродуцибилност и објективност за зголемување на ефикасноста во процесот на дијагностицирање и третман на пациентите;
Детектира бивентрикуларни пејсмејкери и го идентификува основниот ритам.

Овој моќен софтвер е дизајниран да управува и анализира широк опсег на срцеви податоци, обезбедувајќи им ги на здравствените работници алатките коишто им се потребни за брзо и прецизно донесување информирани одлуки. Со функции како што се напредна ЕКГ анализа, беспрекорна интеграција со различни кардиолошки уреди и моќни способности за управување со податоци, овој софтвер гарантира дека докторите ќе имаат брз и сигурен пристап до прецизни и функционални информации. Ваквата интеграција ја подобрува дијагностичката точност и ја унапредува севкупната ефикасност на срцевата нега.

Дополнително, со помош на алатките за далечински мониторинг, докторите имаат можност да се грижат за болните во нивните домови, а експертите преку видео конференции и дигитална комуникација можат да разменуваат искуства и да даваат консултации.

Пример за имплементација на решението во приватна здравствена установа

Македонски Телеком го имплементираше ова решение кај ПЗУ од Скопје со долгогодишно искуство во кардиологијата којашто обезбедува услуги за превенција, откривање, дијагностика и лекување на пациенти со кардиоваскуларни болести. Македонски Телеком дополнително испорача ЕКГ апарат, стрес тест со лента, ЕКГ и АБПМ холтер станици коишто ги поврза преку локална LAN мрежа во ординацијата. Исто така беше обезбедено WAN поврзување на опремата со платформата на којашто е инсталиран кардиолошкиот софтвер.

Сега ординацијата располага со најсовремена медицинска опрема за да се обезбеди квалитет на прегледот којшто во комбинација со стручноста овозможува да се добијат врвни резултати за навремена дијагностика на болести на целото тело.

Придружете ни се во револуционерната нега на срцето

Македонски Телеком е горд што е во првите редови на иновациите во здравствената заштита и ги покануваме давателите на здравствени услуги да ни се придружат во револуционизирањето на грижата на срцето. Со нашиот напреден кардиолошки софтвер и нашите сигурни, доверливи услуги, подготвени сме да извршиме значително влијание врз квалитетот на кардиоваскуларната нега во Македонија. На овој начин, значително ќе се намалат трошоците, ќе се зголеми достапноста на здравствените услуги и ќе се подобри и квалитетот на живот.

Заедно, можеме да создадеме поздрава иднина за сите.

Kардиолошко ИТ решение

{{Title}}