Liderët e projekteve vullnetare nga gjenerata Z mund të paraqesin projekte jofitimprurëse, të lidhen me komunitetin dhe të tërheqin vullnetarë të rinj, gjë që u jep atyre mundësinë të marrin mbështetje shtesë nga Telekomi.
Fushata është pjesë e angazhimit të vazhdueshëm të Dojçe Telekomit për mbështetjen e optimizmit digjital të gjeneratës Z.
Dhuro kompjuter dhe Ways2Help janë organizatat e para vullnetare që kanë marrë mbështetje nga Dojçe Telekom për të forcuar më tej ndikimin e tyre.

Dojçe Telekom e mbështet vullnetarizmin e Gjeneratës Z përmes platformës globale digjitale falas #WhatWeValue. (Atë që ne vlerësojmë). #WhatWeValue buron nga fakti se 82% e gjeneratës Z globalisht thonë se janë aktivë në avokim dhe aktivizëm në një farë mënyre, me ç’rast motivimi më i madh është ndikimi në komunitet, miqtë dhe familjen . Brendi, nga ana tjetër, e njeh rëndësinë që brezat e ardhshëm të ndërmarrin veprime për shkaqe mjedisore dhe sociale dhe ofron mbështetjen e saj përmes kësaj nisme. Platforma e përdorë teknologjinë NFT për të transformuar mundësitë e lidhjes digjitale në vlerë të botës reale, ndërkohë që promovon kauzat që kanë rëndësi për gjeneratën Z.

Komuniteti digjital dhe NFT për „të mirë“
Qasja në platformë është e hapur. Është e hapur për liderët e projekteve vullnetarë nga mosha 18 deri në 30 vjeç nga vendet në Evropë ku brendi i Telekomit është i pranishëm për hostimin e projekteve të tyre vullnetare. Liderët e projekteve që i plotësojnë kriteret e detyrueshme mund ta prezantojnë dhe pasurojnë punën e tyre në platformë. Kategoritë e ndryshme të projektit përfshijnë barazinë gjinore, racore dhe sociale, mbrojtjen e aftësisë së kufizuar, ndryshimet klimatike, rigjenerimin urban, mirëqenien mendore, migrimin dhe të tjera.

Krijimi i ndikimit në botën reale
Komuniteti onlajn #WhatWeValue mund t’i nxisë (duke klikuar "më pëlqen", "shpërndaj" dhe "ndjeki") projektet e paraqitura dhe kështu të rrisë vlerën e tyre të përgjithshme dhe t'u japë atyre një rang më të lartë. Në fund të çdo muaji, dy projektet me vlerën më të lartë marrin mbështetje të personalizuar nga Telekomi për t'i dhënë një shtysë ultra kauzave të tyre. Tashmë janë të njohura organizatat e para vullnetare në nivel nacional që do të marrin përfitime pa para nga Dojçe Telekom. Nga Maqedonia, këto janë organizatat vullnetare “Dhuro kompjuter” dhe “Ways2Help”. Borçe Stamenov nga “Dhuro kompjuter”, kauza kryesore e të cilit është përfshirja digjitale e fëmijëve në familje të pafavorizuara sociale, të cilët nuk mund të kenë një kompjuter, duke u mohuar kështu atyre të drejtën për arsimim cilësor të barabartë, thotë: "Mbështetja nga Dojçe Telekom është thelbësore: me qasje në internet dhe edukimi për përdorimin e duhur të pajisjeve, është e mundur që të gjithë të përfshihen në mundësitë që janë në dispozicion sot. Jemi të kënaqur që ndajmë qëllimin e përfshirjes digjitale dhe kjo ndihmë do t'i mundësojë ekipit tonë të rrisë numrin e donacioneve dhe rrjedhimisht procesin e përfshirjes digjitale." Aleksandra Manollçeva, lidere e organizatës vullnetare Ways2Help, thekson se #WhatWeValue është një motivim dhe inkurajim i madh për vullnetarët të cilët në këtë mënyrë kuptojnë se shihen, dëgjohen dhe përkrahen, veçanërisht ata të rinj, të etur për ndryshim, besimi i të cilëve forcohet se ka shpresë për pozitivitet dhe një të nesërme më të mirë në komunitet. "Mbështetja nga iniciativa kaq të mëdha që investojnë në projekte "të vogla" bazohet dhe e mbështet idealin e Ways2Help. Në të njëjtën kohë, ajo e ndan mesazhin e brendit në nivel global, se të japë “pak secili prej nesh, është shumë për njërin prej nesh!”, thotë Aleksandra. Pas lansimit të parë në qershor 2022, platforma tashmë ka hostuar 100 projekte të ndryshme nga më shumë se 10 vende të ndryshme. Dojçe Telekom është zotuar të ofrojë mbështetje materiale për 6 projekte kryesore për secilin vend, për 12 javë, për të maksimizuar kauzat e tyre vullnetare. #WhatWeValue do të mbështetet nga një sërë ngjarjesh të organizuara në faqen e mediave sociale Discord. Gjatë 12 javëve, një sërë fjalimesh, bisedash dhe historish frymëzuese do të ndahen nga ekspertë vullnetarë.

Angazhim i vazhdueshëm
Platforma është pjesë e një programi të vazhdueshëm aktivitetesh që Dojçe Telekom e ka zhvilluar posaçërisht për të inkurajuar të rinjtë të përfshihen në aktivizëm përmes teknologjive të lidhura. Si pjesë e një angazhimi të vazhdueshëm për të mbështetur gjeneratën Z, #WhatWeValue është një vazhdimësi e fushatave të brendit #WhatWeDoNext dhe #WeAreFutureproof, të cilat e theksuan vlerën unike të brezit të parë të fëmijëve të vërtetë digjitalë në ndërtimin e një bote më pozitive, të cilën ata gjithashtu e forcuan optimizmin digjital.

Kyçuni
Për të dorëzuar projekt ose për të mësuar më shumë për platformën e Dojçe Telekomit #WhatWeValue, vizitoni faqen https://whatwevalue.telekom.com/mk-MK

Pres Qendra

{{Title}}