Inovatorët e rinj e-Bionics janë shpallur si fitues të përgjithshëm të sfidës globale rinore Gjeneratë pa kufij 2019/2020, që u mbajt në Nju-Jork në konkurrencë me 180 ekipe prej 36 vendeve në botë. Zgjidhja e tyre – Venus Arm (Dora e Venerës), 3D dorë e shtypur bionike për personat me mungesë të ekstremitetit të epërm, fitoi në kategorinë në moshën nën 18 vjeç.

Digital Inclusion, partneritet i Fondacionit Telekomi për Maqedoninë dhe UNICEF
Ekipi i e-Bionics janë finalistë të Sfidës së të rinjve për inkluzion digjital, si pjesë e partneritetit të Fondacionit Telekomi për Maqedoninë dhe UNICEF. Të rinjtë u ftuan përmes thirrjes publike të krijojnë zgjidhje inovative si përgjigje e pyetjes “Si mundet teknologjia digjitale të kontribuojë drejt përfshirjes më aktive të fëmijëve dhe të rinjve në arsim dhe në jetën e përditshme?”. Kandidatët e suksesshëm kanë marrë pjesë në punëtori ndërsa pesë më të mirët u shpërblyen me shpërblim në të holla dhe mentorim shtesë. Dy ekipe janë miratuar që të marrin pjesë dhe ta prezentojnë vendin tonë në garën globale.
Nxënësit e shkollave të mesme Orhan Bagashov, Boris Noçeski, Anamaria Ilieva dhe Teo Kitanovski, të motivuar të krijojnë zgjidhje për jetë më të lehtë për personat me mangësi në ekstremitetin e epërm, dëshmuan se teknologjia është vegël e fuqishme me të cilën mund të bëhet dallim i vërtetë. Zgjidhja e tyre – Venus Arm, 3D dorë bionike, do ta përmirësojë qasjen në ndihmëset protetike. Zgjidhjet ekzistuese në treg janë proteza me çmim i cili i tejkalon dhjetëra mijëra euro, ndërsa zgjidhja e tyre mund të përpunohet për rreth 250 euro, të shtypet në printues 3D, të montohet lehtë dhe të përdoret. Ekipi do të fitojë mjete shtesë në shumë prej 15.000 dollarë amerikanë dhe program të përshtatur global për inkubacion prej partnerëve të Gjeneratë pa kufij, për ta përhapur iniciativën e tyre.

Suksesi global i e-Bionics dhe zgjidhja e tyre flet për potencialin e madh të të rinjve në vendin tonë, të cilët nëse i mbështesim mund të jenë kryesues në krijimin e shoqërisë humane digjitale. Mësoni më shumë për to dhe për sfidat e tjera globale https://uni.cf/GenUYC2winners.

Lajme

{{Title}}