▪ Teknologji dhe inovacione për njerëzit, mjedisin jetësor dhe biznesin nën moton „Kur teknologjia merr një plus“

Në Kongresin botëror të telefonisë celulare (MWC) 2023, Dojçe Telekom i vë theks teknologjisë të fokusuar tek njeriu... Nën moton “Kur teknologjia merr një plus”, kompania në Barcelonë do të tregojë inovacione, do të shfaqë inovacione emocionuese në rrjete dhe aplikacione digjitale.

„Duam teknologji me puls, teknologji si një shtytës për të krijuar një botë më të mirë. Duam t’i kapërcejmë sfidat e përbashkëta me ndihmën e teknologjisë. Për abonuesit tanë, ekosistemin dhe shoqërinë”, deklaroi Klaudia Nemat, anëtare e Bordit Drejtues për Teknologjinë dhe Inovacionin në Dojçe Telekom. „Në MWC 2023, Dojçe Telekom fokusohen në opsione moderne për komunikime në kuadër të rasteve urgjente, masa inovative për kursimin e energjisë dhe aplikacione të thjeshta për abonuesit. Dhe baza e gjithë kësaj janë rrjetet tona rezistente dhe të qëndrueshme.“

Rrjetet rezistuese – lidhja e parë në hapësirë duke përdorur teknologjinë 5G

Në rast të fatkeqësive natyrore, rrjetet kanë nevojë edhe për një plan rezervë. Dojçe Telekom demonstroi se si komunikimet tokësore dhe satelitore bashkohen pa probleme, duke siguruar, që në rast të ndërprerjes së infrastrukturës, të mos ketë ndërprerje në kontaktin me abonuesit. Antenat dhe satelitët i mbështesin rrjetet e komunikimit. Nëse vjen drejt rënies së rrjetit, antenat do të mbajnë kontakt me smartfonët e abonuesve të involvuar, lidhja do të riorientohet nëpërmjet satelitëve. Gjithçka do të jetë e mundur duke përdorur teknologjinë 5G, për herë të parë në botë.

Lidhja nga kozmosi edhe për Internetin e gjërave

Interaksioni i satelitëve me antenat tokësore në të ardhmen do të zhvillojë edhe rol kyç për Internetin e gjërave (IoT). Për këtë qëllim, Dojçe Telekom është duke punuar me më shumë se 600 partnerë me roaming në mbarë botën, ndërsa për fillim vendosi bashkëpunim edhe me ofruesit e shërbimeve satelitore. Abonuesit afaristë tani mund të lidhen me pajisjet e tyre IoT kudo që të jenë, qoftë në oqean apo shkretëtirë. Qendra për IoT, tregu i Dojçe Telekomit për ofertat IoT, është i mbushur me produkte të ndryshme që presin të vendosen në mbarë botën.

Shpërndarja e parë komerciale e një rrjeti të hapur RAN me shumë partnerë

Dojçe Telekom ka vendosur të fokusohet në një rrjet të hapur RAN si teknologji për rrjetet e ardhshme. Kjo teknologji shërben gjithashtu si një katalizator që do ta çojë Evropën drejt epokës digjitale. Për këtë qëllim, kompania, së bashku me disa partnerë, e ka obliguar tashmë vendosjen e parë komerciale të rrjetit të hapur RAN. Me Nokia dhe Fujitsu në Gjermani dhe Mavenir në Evropë, Dojçe Telekom planifikon t’i pajisë rrjetet e para komerciale. Shpërndarja planifikohet të fillojë në vitin 2023.

Rrjetet tradicionale të qasshme të radios ofrohen si zgjidhje të integruara nga vetëm një furnizues. Rrjeti i hapur RAN ofron interfejse të reja midis pjesëve të ndryshme të radio rrjetit të qasshëm, duke u lejuar operatorëve të vendosin komponentë nga furnizues të ndryshëm. Strategjia e Dojçe Telekomit është të promovojë diversitet më të madh të furnizuesve dhe t’i përshpejtojë inovacionet e orientuara drejt abonuesve në radio rrjetin e qasshëm.

Fokusi i qëndrueshmërisë – rrjetet e gjelbra dhe ekonomia

Qëllimet e Dojçe Telekomit janë mjaft ambicioze: përveç neutralitetit klimatik për emetimet e veta të CO2 deri në vitin 2025, Grupacioni synon të arrijë edhe neutralitet të plotë klimatik në të gjithë zinxhirin e vlerave më së voni deri në vitin 2040. Në MWC, kompania shfaq zgjidhje ekologjike për fusha të ndryshme të zbatimit.

Paketim i qëndrueshëm për një të ardhme më të mirë

Dojçe Telekomi vendosi ta ideojë edhe dizajnin e paketimeve me çka lehtësohet menaxhimi i mbeturinave.

Kompania ka për qëllim t'i bëjë teknologjitë dhe pajisjet e saj plotësisht të riciklueshme deri në vitin 2030. Kjo vlen për të gjitha linjat e produkteve, por edhe për kërkesat në lidhje me furnizuesit. Nga mesi i vitit 2022, produktet e reja të Dojçe Telekomit për tregjet gjermane dhe evropiane do të fillojnë të kenë paketim të qëndrueshëm. Paketimi ekologjik është gjithashtu i detyrueshëm për pajisjet e rrjetit, të cilat përfshijnë, ndër të tjera, antenat dhe ruterët. Për shembull, nuk është më e mundur të hasim në ambalazhe plastike që nuk janë të biodegradueshme.

Shërbime innovative për komoditet dhe siguri më të madhe

E njëjta gjë vlen për të gjitha zgjidhjet e reja: Dojçe Telekom fokusohet në mjedisin jetësor. Po aq e rëndësishme për kompaninë është mbrojtja e privatësisë së njerëzve dhe ta ruaj sigurinë e tyre.

Mbrojtja e pjesëmarrësve të cenueshëm në komunikacionin rrugor

“Nuk e pashë nga erdhi” - e dëgjojmë shpesh pas një aksidenti ku përfshihen biçikleta dhe automjete motorike. Vizitorët në Barcelonë mësojnë përmes një loje se si Interneti i gjërave mund të shpëtojë jetë në trafik. Dojçe Telekomi dhe partneri i tij Spoke i çon vizitorët nëpër situata të ndryshme kritike të trafikut. Ata demonstrojnë se si rrjeti celular i Dojçe Telekomit, rrugët në qytetet inteligjente i bën më të sigurta. Së bashku, ata krijuan një zgjidhje që u mundëson biçikletave dhe automjeteve ta njohin njëra-tjetrën. Kjo i bën rrugët pak më të sigurta.

Me transferimin eSIM, pajisjet zëvendësohen lehtësisht dhe në mënyrë të sigurt

eSIM-kartelat janë praktike dhe së shpejti do t’i zëvendësojnë SIM-kartelat plastike. Deri më tani, gjatë ndërrimit të telefonave inteligjentë, transferimi i kontakteve nga pajisja e vjetër në pajisjen e re ishte shumë më e ndërlikuar

Google, Dojçe Telekom dhe GSMA zhvilluam një standard për këtë transferim të ashtuquajtur eSIM. Pronarët e Pixel 7 do të jenë të parët që do ta përdorin këtë funksion të rrjetit të DT. Falë procesit të ri, abonuesit munden menjëherë t’i transferojnë kontaktet e veta nga telefoni celular në pajisjen e tij të re, por me vetëm disa klikime. Celulari i vjetër dhe i ri duhet të jenë afër njëri-tjetrit. Kështu, shkëmbimi nuk është vetëm i thjeshtë, por edhe i sigurt. Nuk ka më nevojë të shkarkoni një aplikacion, të vizitoni një faqe interneti ose të telefononi mbështetjen e klientit.

Ruter për funksionim më të thjeshtë dhe lidhje më të mira

Me konceptin e ri të ruterit të bazuar në RDK, Dojçe Telekom planifikon ta përmirësojë më tej përvojën e internetit në të ardhmen. Me ndihmën e sistemit operativ të zhvilluar brenda vetë kompanisë, funksionet thjeshtohen në mënyrë që funksionimi të jetë i mundur përmes një aplikacioni dhe pa njohuri paraprake.

Wi-Fi përmirësohet falë menaxhimit aktiv me Wi-Fi, me çka mundësojnë lidhje optimale për të gjitha pajisjet në shtëpi. Në këtë mënyrë, ruterët gjithmonë i ofrojnë performancat më të mira. Mekanizmat për zgjidhjen e problemeve në mënyrë të pavarur, siç janë ndërrimi i radio-kanaleve, konfigurimi i frekuencave të radiove në pajisjet ose ngritja e domosdoshme e serishme e sistemit, bëhen në mënyrë automatike.

Risi për bizneset

Vizitorët në stendën e biznesit do të jenë gjithashtu në gjendje të përjetojnë zgjidhje digjitale për botën e biznesit - nga lidhjet fleksibile për kompanitë në platformat e zhvillimit transatlantik dhe rrjetet private.

Fuqia kompjuterike inovative

Dojçe Telekom i furnizon kompanitë në mbarë botën me internet premium. Ai kombinon harduer shumë fleksibël dhe të shkallëzuar (kuti uCPE me Intel On Demand) dhe lidhje interneti me karakteristika që garantojnë performancë të lartë. Kjo mundëson lidhje veçanërisht të sigurta.

Kompania përcakton se sa fuqi kompjuterike u nevojitet në një moment të dhënë përmes modelit fleksibil të pagesës. Kjo do të thotë se ata në çdo kohë do të mund t’i aftësojnë performancat me kushtet afariste vijuese.

Cilësia e rrjetit sipas kërkesës me nT-DevEdge

T-DevEdge është platformë për programerë që Dojçe Telekom dhe T-Mobile US e zhvilluan bashkërisht. Platforma që funksionon midis më shumë vendeve dhe rrjeteve siguron qasje të lehtë deri në interfejse për programimin e aplikacioneve (API).

Ajo mundëson qasje të lehtë deri tek cilësitë e rrjetit. Profesionistët e softuerit e përdorin atë për të programuar funksione të dobishme për bizneset. Në këtë mënyrë, këto API të rrjetit mundësojnë aplikacione të reja dhe inovative. Tre API-të e para të rrjetit janë implementuar tashmë në rrjet: cilësia e kërkesës, verifikimi i vendndodhjes dhe informacioni i statusit të pajisjes.

Siemens Energy tashmë po teston një API rrjeti cilësor sipas kërkesës për të optimizuar mirëmbajtjen në distancë. Teknikët e terrenit përdorin syze të realitetit të argumentuar dhe marrin informacione të rëndësishme të shfaqura drejtpërdrejt në fushën e tyre të shikimit. Ekspertët i përdorin ato informacione për të ofruar mbështetje për teknikët e terrenit në zgjidhjen e problemeve komplekse. API e optimizon vonesën e rrjetit dhe gjerësinë e brezit për transferim të qetë të të dhënave. Microsoft i ka integruar API-të e rrjetit në platformën e saj për lidhje programabile “Azure Programmable Connectivity”. Prandaj, ato janë veçanërisht të lehta për t'u integruar në rutinat e punës së programuesve.

Microsoft Azure dhe 5G private për ndërmarrje të vogla dhe të mesme

Dojçe Telekom dhe Microsoft Azure duan të punojnë së bashku për të krijuar rrjete private 5G. Dojçe Telekom tashmë ka një portofol të fortë të të ashtuquajturave rrjete kampusi, të cilat i ofron për përdorim industrial në Evropë. Ajo që vijon është krijimi i një modeli gradual: paguaj siç ke progres. Me ofertën e re, abonuesit me një arkitekturë ekzistuese Azure do të jenë në gjendje të adoptojnë teknologjinë 5G në një mënyrë veçanërisht të lehtë dhe ekonomike. Kështu, ata vazhdojnë të digjitalizohen pa vënë në dyshim fleksibilitetin e tyre. Zgjidhja ofron një rrjet privat që gjithashtu mund të shtrihet në shumë lokacione. Të sigurt: koncepti i sapozhvilluar i integron edhe aplikacionet e reja dhe ekzistuese.

Pres Qendra

{{Title}}