• Tabletët do t’i përdorin fëmijët e Qendrave për mbështetje të SOS Fshtatit për fëmijë

Makedonski Telekom, para ca kohësh e paralajmëroi në treg T Tabletin e tij të ri, pajisjen 5G me çmim të disponueshëm i krijuar t’i mundësojë popullatës më të gjerë qasje në mundësitë që i hap teknologjia 5G.

Sot, për një arsim solid kërkohet njohuri digjitale dhe pajisje për të pasur qasje në të gjitha informacionet në internet. Kjo është arsyeja pse Telekomi dhuroi T Tablet për fëmijët nga njëzet familje në rrezik social, të cilët i vizitojnë Qendrat e mbështetjes së SOS Fshatit për fëmijë.

“Në një kohë kur e kemi rrjetin më të madh dhe më të shpejtë 5G, duhet të mendojmë për hendekun në rritje midis atyre që munden dhe atyre që nuk mund t’i përballojnë pajisjet 5G. Pikërisht ky ishte motivi ynë për t’u dhuruar T Tablet fëmijëve që vijnë nga familjet me rrezik social. Teknologjia duhet të jetë e qasshme për të gjithë, dhe ne si lider në teknologji kemi obligim të punojmë në një shoqëri digjitale të barabartë” - deklaroi Emilia Andonovska, Drejtoreshë kryesore për shfrytëzuesit privatë në Makedonski Telekom.

Qendrat për mbështetje janë këshillimore në kuadër të SOS Fshatit për fëmijë për prindër dhe fëmijë të mitur me rrezik social. Përmes këshillimeve në grup po punohet në përforcimin e kapaciteteve të familjeve dhe krijimin e familjeve të rrethuara me dahsuri, respekt dhe siguri.

„Një prej fokuseve kryesore në këshillim është përfshirja dhe rregullshmëria e fëmijëve në procesin arsimor. Ndërsa sot vështirë se mund të imagjinohet arsim pa internet. Prandaj ky donacion i tabletëve është shumë i rëndësishëm, me të cilin do t’u mundësohet fëmijëve mbështetje edukative dhe hyrje në botën digjitale.“ – deklaroi Silvia Dimitrova, SOS Fshati për fëmijë.

Makedonski Telekom është i përkushtuar në uljen e hendekut digjital dhe qasjes së gjerë drejt mundësive që i hap teknologjia 5G në më shumë fusha, nga argëtimi deri tek arsimi.

Pres Qendra

{{Title}}