TË RINJTË E NDRYSHOJNË BOTËN, JEMI KËTU PËR T’UA TREGUAR RRUGËN

Smart Start është program për zhvillimin studentor i cili ofron mundësi të shkëlqyer për studentët të cilët presin me padurim të merren me transformimin digjital, në partneritet me njërën prej kompanive më inovative në treg – Makedonski Telekom. “Me këtë program atraktiv për zhvillimin në karrierë të të rinjve dhe persona ambiciozë të cilët studiojnë teknologjinë, marketingun, shkencat digjitale dhe të cilët ëndërrojnë të përballen me sfidat e dala nga këto tema, Telekomi bën ndryshime pozitive në më shumë segmente të shoqërisë, e veçanërisht në fushën e tregut të punës, ku kërkesa e këtij lloji të aftësive specifike është e madhe, ndërsa oferta e vogël ose nuk ekziston aspak”, thotë drejtori i resurseve njerëzore në Makedonski Telekom, Stavros Georgakupulos në këtë intervistë.

1. Cilat janë qëllimet kryesore, cili është tregimi që qëndron pas Smart Start?
Jetojmë në një botë e cila po ndryshon shumë shpejtë, thuajse në bazë ditore në thuajse të gjitha sferat. Botë në të cilën njohuritë e fituara shpejtë vjetërsohen dhe jemi duke u përballur me sfida të mëdha që kërkojnë zgjidhje të reja, të cilat ndonjëherë dalin nga kornizat e shablloneve të cilat i dimë dhe i praktikojmë deri më tani. Vlerësoj se zgjidhje të tilla mund t’i japin njerëzit të cilët nuk janë të stërngarkuar me të kaluarën, jetojnë në të tashmen, por ëndërrojnë për të ardhmen. Ata janë të rinjtë, studentët. Nga ana tjetër Makedonski Telekom është kompani që përkujdeset jashtëzakonisht shumë për të ardhmen, është tërësisht e përkushtuar tek të punësuarit e saj, ndërsa përcaktimi i saj strategjik është krijimi i vazhdueshëm i nismave për avancimin e të punësuarve, ndërsa me këtë edhe të të gjithë organizatës. Një nismë e tillë është edhe programi Smart Start – program me të cilin dëshirojmë të tërheqim, talente të reja, të rinj të na bashkohen dhe të bëhen pjesë e rëndësishme e asaj që kompania është tërësisht e fokusuar, ndërsa ai është transformimi digjital. Programi dedikohet për studentët e 7 fakulteteve të ndryshme në vend që janë kuriozë të futen thellë në sferën që e studiojnë dhe përmes së cilës do të mund të mësojnë prej ekspertëve më të mirë në fushat teknologji, rrjete, marketing... dhe, gjithsesi, të jetë pjesë e ekipit i cili e krijon të ardhmen digjitale në vend. Me Smart Start e hapim mundësinë studentët të punojnë në 11 projekte unike dhe të fitojnë përvojë praktike e cila në vendin e punës është vërtetë e kërkuar dhe është më shumë se e nevojshme. Besoj se studentët të cilët do të na bashkohen në programin Smart Start do të sjellin energji të re, entuziazëm dhe autenticitet, karakteristika të cilat janë ndër parimet kryesore të secilës kompani të suksesshme dhe inovative.

2. Çfarë është ajo që e bën këtë program interesant dhe atraktiv për studentët?
Ofrojmë mundësi unike dhe mjaft të ndryshme. Krijuam koncept në të cilin i morëm parasysh nevojat edhe të studentëve edhe te biznesi. U kthyem në kohën kur ishim studentë, kemi bërë hulumtim në tregun i cili na tregoi çfarë është ajo që u nevojitet studentëve dhe krijuam projekt i cili është atraktiv prej disa aspekteve. Para së gjithash, kemi krijuar dhe kemi ofruar projekte ekzistuese me aktivitete konkrete në të cilat studentët do të mund të punojnë dhe të mësojnë. Kjo nuk nënkupton vetëm sigurimin e praktikës me fitimin e njohjeve të përgjithshme të gjërave, këtu bëhet fjalë për aftësimin profesional në sferën konkrete përmes punës praktike dhe projektit specifik. Nga dita e parë, studentët do të njoftohen me ekipin e tij, me mentorin i cili do t’i mbështesë dhe mësojë përmes punës si edhe me detajet e projektit në të cilin do të fillojnë të punojnë. Nënkuptohet, studenti do të kaloj edhe përmes trajnimit që të mundet më lehtë të inkorporohet në mënyrën e punës në një korporatë të madhe siç është e jona. Si pjesë e këtij programi, studentët do t’i gëzojnë të gjitha benefitet të cilat i kanë të punësuarit në Makedonski Telekom. Kjo do të thotë se do të kenë qasje në platformat tona të mësimit Percipio dhe Cursera, të cilat ofrojnë mbi 200 ligjërata nga universitetet më të mira. Studentët do të punojnë në mjedis internacional dhe do të fitojnë kontakte të cilat do t’u ndihmojnë në të ardhmen. Do t’i kenë në dispozicion ekspertët tanë më të mëdhenj, nga të cilët do të mësojnë shumë më shumë nga ajo që mund të mësohet në cilindo libër. Përvojën që do ta fitojnë këtu, tek ne në Makedonski Telekom do të jetë rëndësi e paçmueshme për të ardhmen e tyre dhe startin fantastik për karrierën profesionale.

3. Projektet në këtë program kanë të bëjnë me fushat e biznesit në teknologji. Pse pikërisht këto fusha specifike?
Po , pikërisht këto janë fushat që na udhëheqin përpara, të cilat janë në hap me trendet më të reja dhe të cilat e krijojnë të ardhmen digjitale. Ne duhet të mendojmë për atë që do të ndodhë nesër, për nevojat e ardhshme të abonuesve tanë, si edhe për aftësitë e nevojshme që duhet t’i posedojnë të punësuarit tanë në të ardhmen. Bota në të cilën jetojmë, çdo ditë po ndryshon me shpejtësi të madhe, ndërsa projektet në këto sfera na çojnë një hap përpara këtyre ndryshimeve. Roli ynë superior në treg na mundëson të bëjmë ndryshim në shoqëri në rrugën drejt digjitalizimit dhe edukimit të të rinjve. Intencë e këtij programi është në një vend të mblidhet potenciali kreativ i studentëve të shtetit tonë nga fushat e theksuara, interesat dhe fushat e veprimit dhe t’u jepet mundësi dhe hapësirë për realizimin e tyre.

4. Si do të dukej një ditë e studentëve në Telekom?
Një ditë përplot me befasi, gjithsesi të këndshme dhe të dëshiruara, një ditë e cila përfundon me buzëqeshje. Besoj se shumë më ndryshe do të mund t’ju shpjegoja për një ditë të tyre po të mos ishim në këtë situatë me pandeminë. Këtë e them nga arsyeja që përvoja nga puna në një mjedis kreativ, të mbushur me kolegë të fushave të ndryshme është shumë më ndryshe se puna nga shtëpia. Në këtë situatë, shëndeti i të punësuarve tanë është më i rëndësishëm dhe prandaj të gjithë punojmë nga shtëpia, aty ku është e zbatueshme. Puna zhvillohet në mënyrë të mrekullueshme, që është gjithsesi e pritshme duke e pasur parasysh se teknologjia, si anë e jona e fuqishme bën gjithçka të funksionojë edhe nga shtëpia. Që t’i përgjigjem pyetjes, do të them se në një ditë secili prej këtyre studentëve do të mësojë shumë punë praktike dhe do të kryejë detyra sikurse se çdo i punësuar i ynë. Varësisht nga projekti në të cilin punon, do të ketë takime virtuale, do të marrë detyra dhe do të jetë në komunikim të vazhdueshëm me mentorin e tij, i cili do ta udhëheqë përmes procesit.

5. Me Smart Start synohet drejt një qëllimi më të lartë. Çfarë ndikimi do të bëjë ky program në shoqëri?
Tregu i punës në shtetin tonë ndër vite ka ndryshuar shumë dhe vazhdon të ndryshojë, në pajtim me kërkesat e kompanive dhe zhvillimin e teknologjive. Ne si shtytës të digjitalizimit dhe njëherësh si lider teknologjik në rajon, e kemi për obligim njohuritë dhe përvojat tona t’i bartim tek ata të cilët akoma studiojnë dhe avancohen në aspektin teorik. Me përgjegjësi pohoj se përmes përvojës që këta studentë do ta marrin në Makedonski Telekom me programin Smart Start, do të bëjmë ndryshim të madh në tregun e punës, ku kërkesa e këtij lloji të aftësive është e madhe, ndërsa oferta e vogël ose nuk ekziston aspak. Telekomi, si kompani me përgjegjësi shoqërore përmes Smart Start drejtpërdrejt ndikon që në procesin e arsimimit të studentëve dhe e pasuron me përvojë të lartë. Shembujt e këtij lloji krijojnë profesionistë, ndërsa ne si kompani gjithmonë i hapim dyert tona dhe mbështesim të ndodhin tregime të suksesshme profesionale. Me këtë projekt shpresoj se do të hapim një perspektivë më ndryshe, hapësirë të re për sendërtim, harmonizim dhe punë ekipore të të rinjve me qëllim që më ndryshe të shihet krijimi i së ardhmes për shoqërinë tonë. T’i udhëzojmë në drejtim që të ofrojnë zgjidhje dhe vizione të veta në këtë botë që ecën me shpejtësi, që do të jenë në dobi jo vetëm për shtetin por edhe për rajonin dhe më gjerë, pasi jetojmë në një botë në të cilën globalja u shndërrua në lokale. Të rinjtë – studentët e ndryshojnë botën, Makedonski Telekom është këtu t’ua tregojë rrugën.

Intervistë

{{Title}}