Me zhvillimin e vazhdueshëm të teknologjisë në të ardhmen e afërt, do të jemi në gjendje të lidhim botën fizike, digjitale dhe biologjike, ndërsa robotika, realiteti virtual, inteligjenca artificiale ... do të jenë pjesë e jetës sonë të përditshme. Ne jemi në prag të një revolucioni të ri industrial, i cili do të fillojë me teknologjinë e re 5G dhe nuk ka asnjë industri apo sferë që do të mbetet imune ndaj ndryshimeve revolucionare.

Meqenëse disa vende të botës, përfshirë Japoninë dhe Shtetet e Bashkuara të Amerikës, e kanë lëshuar në përdorim rrjetin 5G në disa prej territoreve të tyre vitin e kaluar, interesi për të është rritur në mënyrë të vazhdueshme dhe shumë vende tashmë janë duke punuar për t'u përgatitur për zbatimin e 5G. Nëse jeni kuriozë se si funksionon rrjeti 5G dhe si do të përdoret, atëherë ju jeni në vendin e duhur.

5G është standardi teknologjik i gjeneratës së pestë në industrinë e telekomunikacionit, i cili jo vetëm që përmirëson shpejtësinë dhe zbatueshmërinë e paraardhësit të tij 4G, por gjithashtu shkon një hap më tej. Rrjeti 5G ka potencialin për të krijuar një ekosistem të madh të Internetit të gjërave (Internet of Things) i cili do të lidhë njëkohësisht miliarda përdorues dhe do të ridefinojë mënyrën se si ne përdorim telefonat e mençur, pajisjet plotësuese, kompjuterët dhe teknologjinë tjetër.

Karakteristikat kryesore të rrjetit 5G:

Prej 10 deri në 100 herë shpejtësi më të madhe në krahasim me 4G
Vonesë apo latencë milisekondëshe
000 herë vëllim më të madh (1000х bandwidth per unit area)
Deri në 100 herë më shumë pajisje të lidhura në një njësi hapësinore
99,99% qasje
Komunikim të besueshëm në kohë reale
90% përdorim më të vogël të energjisë rrjetore
Deri në 10 vjet jetëgjatësi të baterive të pajisjeve me fuqi më të vogël lidhur me Internetin e gjërave

Sa është i shpejtë rrjeti 5G?

Deri më tani, testimet e rrjetit 5G kanë treguar se ajo arrin shpejtësi më të madhe deri në 100 herë se ato të mëparshme të transmetuara nga rrjeti 4G, gjegjësisht siguron transferimin e të dhënave me një shpejtësi prej 10 Gbps (gigabajt në sekondë). Ajo që e bën rrjetin 5G në mënyrë të konsiderueshme më të shpejtë është përdorimi i vëllimeve më të mëdha të frekuencave me një gamë më të gjerë frekuentive. Sipas parimeve të komunikimit, sa më e gjerë është gama e spektrit frekuentues (bandwidth) - aq më e lartë është shpejtësia e transmetimit.

Çfarë paraqet “latenca e vogël” e rrjetit 5G?

Latenca fjalorin teknologjik paraqet kohën e reagimit nga dërgimi i informacionit nga njëra anë tek marrja e informacionit nga ana tjetër. Rrjeti 5G ofron një vonesë apo latencë jashtëzakonisht të ulët - nga 40-50 milisekonda tek rrjeti 4G, me rrjetin 5G, ajo bie në disa (5-10) milisekonda. Një person mesatar ka nevojë për rreth 250 milisekonda për t'iu përgjigjur informacionit vizual. Tani, imagjinoni mundësitë potenciale që i hap rrjeti 5G me madje 250 herë latencë më të vogël se kaq. Nëse aplikohet, për shembull, për automjetet autonome, atëherë ato do të bëhen dukshëm më të sigurta për përdorim masiv për shkak të përgjigjes jashtëzakonisht të shpejtë në marrjen e informacioneve. Ky funksion do të mundësojë operacione dhe diagnostikime në distancë, të cilat do të bëjnë një përparim revolucionar në mjekësi.

5G kundrejt 4G – cili është dallimi?

Brezi i pestë i rrjeteve pa tel do ta zgjerojë përdorimin e Internetit dhe do të krijojë një ekosistem masiv të lidhur me Internetin e gjërave. Avantazhi kryesor ndaj 4G dhe 4.5G (LTE i avancuar) është se, përveç shpejtësive të mëdha të transferimit të të dhënave, do të krijohen raste të reja të përdorshme të Internetit të gjërave.

Përmes rrjetit 5G, do të jetë e mundur të lidhen deri në 100 herë më shumë pajisje në një territor specifik. Vlerësohet se sinjali 5G do të jetë në gjendje të lidhë deri në një milion pajisje për kilometër katror. Vonesa apo latenca e ulët e rrjetit 5G do të lejojë transferimin më të shpejtë të të dhënave, ndërsa konsumi i ulët i energjisë në krahasim me rrjetin 4G do të lejojë që pajisjet dhe aparatet në infrastrukturën e rrjetit 5G të punojnë për një periudhë shumë më të gjatë kohore pa ndërhyrjen e njeriut.

Zbatim më i gjerë i rrjetit 5G

Çdo gjeneratë e re e rrjetit pa tel vjen me një gamë të re, të gjerë përdorimesh të reja. Rrjeti 5G do të drejtohet drejt Internetit të Gjërave. Në disa raste, siç është përdorimi i një rrjeti 5G gjatë lidhjes së automjeteve autonome, kërkohet një vonesë shumë agresive (kohë e shpejtë e përgjigjes), kështu që brenda disa viteve mund të presim një revolucion në mënyrën e përdorimit të tyre në trafik. Përmirësimi i shpejtësive të transferimit të të dhënave, nga ana tjetër, do të kontribuojë në analizën më masive të të dhënave në kompani, individëve dhe të gjithë të interesuarve për ta bërë këtë proces më të lehtë në të ardhmen.

Çfarë do të thotë rrjeti 5G për përdoruesit?

5G për përdoruesit nuk nënkupton vetëm internet më të shpejtë celular, por edhe lidhje interneti dhe lidhje me shumë më shumë objekte dhe pajisje sesa ato të disponueshme për ne sot. Ndërveprimi me automjetet dhe shtëpitë e lidhura janë vetëm dy shembuj të revolucionit të madh të ardhshëm të IoT, të mbështetur nga rrjetet 5G. Samsung dhe pajisjet e tjera Android, pajisjet OEM kanë prezantuar tashmë telefonat e mençur të parë 5G në vitin 2019. Më shumë se 50 telefona kompatibil me rrjetin 5G janë tashmë të disponueshëm komercialisht, ndërsa kartat SIM 5G janë shfaqur në treg në fund të vitit të kaluar.

Аrtikull

{{Title}}