Македонски Телеком и Факултетот за електротехника и информатички технологии објавија партнерство за тестирање на 5G технологија, во мај, 2019 година.
Македонски Телеком ќе инсталира 5G опрема и уреди за тестирање со што ќе им овозможи на студентите и професорите први да работат на функционалностите на овој нов технолошки стандард.

Тестирањата ќе се прават на новата опрема од Македонски Телеком во 5G Evolution Laboratory“ во рамки на Лабораторијата за безжични и мобилни мрежи, која припаѓа на Институтот за телекомуникации на ФЕИТ.
Со новата 5G опрема и уреди, во новоформираната лабораторија студентите и професорите ќе ја имаат првата и единствена можност во земјава за тестирање, експериментирање и проучување на реални сценарија поврзани со идните технологии. Ова ќе овозможи приближување на 5G технологиите до студентите, идните телекомуникациски професионалци кои ќе имаат можност први да ги тестираат придобивките од новата револуционерна технологија. Резултатите ќе се користат за научни цели и унапредувања на услугите кои во иднина ќе им бидат достапни на корисниците.

5G или мрежата на петтата генерација во наредните години не само што ќе донесе огромни брзини на пренос на податоци преку интернет и комуникација во реално време, туку целосно ќе го смени начинот на којшто функционира нашето општество.

Вест

{{Title}}