Дигитализација на производствени линии

Напредок на производствените линии преку паметна фабрика

Системот паметна фабрика овозможува дигитализација на производствената линија. Имено, со надградба на производствената линијата со нашите сензори и со воведување паметни апликации и уреди, овозможуваме дигитализација на различни производствени процеси.

Овие линии можат да вклучуваат машини од различни технолошки генерации, од најстари, целосно механички, па се до најнови генерации.

MES SaaS (Manufacturing Execution System Software as a Service) е решение базирано на вештачка интелигенција (AI) и IoT, создадено специјално за преработувачката индустрија со цел:

Намалување на загубите;
Зголемување на продуктивноста;
Подобрување на квалитетот;

Со користење на приспособени сензори и други надградби на производствената линија, системот овозможува постепено воведување на дигитализација на линијата.

Деловни придобивки

Една од основите придобивки на дигитализацијата е следење на производството во реално време, распределување и добивање преглед во однос на работата. Платформата се состои од различни модули коишто можат да се комбинираат согласно со потребите. Со ова се добива подобар увид во:

Податоците за производството во реално време и зголемување на квалитетот на производот (контрола на квалитет со помош на вештачка интелигенција);
Поголема ефикасност (подобра контрола на производствениот процес);
Подобро управување со ресурсите – следење на ефикасноста на работниците коишто управуваат со машините, потрошената енергија и потрошувачката на суровини;
Пониски трошоци со предвидливо одржување на машините.

Примена

AGROVELEBIT, Хрватска – Ова е релативно помала компанија којашто се занимава со производство, складирање, пакување и дистрибуција на компири. Нивната мотивација за учество во овој проект произлезе од проблемите со управувањето со магацинот и нарачките. Клиентот се соочи со предизвици во лоцирањето на одредени производи во нивните шест магацини. Овој проблем го решивме со платформата за извршување на производството (MES - Manufacturing Execution System), користејќи RFID ознаки и QR кодови на палетите со кутии во складиштето: ова беше извршено преку мобилна апликација со индустриски мобилен терминал.

Управувањето со нарачките исто така не беше под контрола, при што вработените се потпираа на комуникација со користење на WhatsApp. Ова исто така беше решено со користење на MES SaaS и самостоен индустриски терминал. Следењето и продуктивноста (следење на придонесот од секое поле) беше опфатено преку работните налози на MES (дигитални работни налози коишто се лесно достапни во секое време и се едноставни за следење).

PLASTFORM, Хрватска – Компанија којашто се занимава со производство на стиропор за топлинска изолација во градежништвото и со производство на полистиренско пакување за употреба во рибарството и земјоделството. Нивната мотивација за учество во проектот беше овозможувањето да се следи трошењето на енергија (гас, електрична енергија, компресиран воздух).

Ова решение овозможи следење на сите извори на енергија во реално време до ниво на потрошувачка по единица на одреден производ, а исто така беше имплементирана и интеграција со надворешни системи. Воведениот систем овозможи да се прави точна пресметка на трошоците за секој производ и нарачка, на тој начин префрлувајќи се од месечните просечни пресметки на пресметки по единица.

Дигитализација на производствени линии

{{Title}}