Kорисниците добиваат поголема брзина, подобрени перформанси и проширени можности за поврзување на мобилен интернет на 4G мрежата

Корисниците на Македонски Телеком ќе можат да користат ЛТЕ (4Г) дата роаминг додека престојуваат во Германија. Оваа нова услуга е овозможена со набавка и имплементирање на нов мрежен елемент во Македонски Телеком и успешно завршените тестови согласно договорот за роаминг соработка со Telekom Deutschland. Отсега, корисниците ќе можат да ги користат сите придобивки кои што ги обезбедува 4G мрежата на Telekom Deutschland, што значи добиваат поголема брзина, подобрени перформанси и проширени можности за поврзување на мобилен интернет.

Во наредниот период ќе се згoлемува бројот на дата роаминг партнери од други држави коишто на корисниците на Македонски Телеком ќе им овозможат идентични услови за користење на 4G мрежата во странство исто како и дома.

Во моментот, роаминг портфолиото на Македонски Телеком нуди 2G роаминг со 397 странски мрежи од 178 држави, GPRS роаминг во 295 мрежи од 144 држави, 3G во 268 мрежи од 134 држави, како и CAMEL припејд роаминг во 83 мрежи од 40 држави.

Информации

{{Title}}