Следење на квалитетот на водите

Решенијата базирани на технологијата IoT нудат значителна помош во управувањето со водната економија.

Далечинското следење на чистотата на реките овозможува рано откривање на настаните поврзани со ризикот од загадување на водата, овозможувајќи подобра заштита на животната средина и на биодиверзитетот во водите.

Технологија

Пловката којашто се поставува во водата овозможува уште во рана фаза да се детектираат ризиците од загадување на водата и да се преземе соодветна превентивна акција. IoT системот ги автоматизира процесите на мерење и земање примероци од водата, наместо да се испраќа поединец којшто потоа ќе ги носи примероците и ќе ги тестира во лабораторија.

Благодарение на пловките за анализа, аналитичките параметри за квалитетот на водата, како на пример кислородот, температурата, проводливоста, pH-вредноста или некои хемиски состојки, се следат континуирано без вклучување човечки фактор во процесот. Резултатите од анализата се достапни онлајн во секое време.

Корисничкиот интерфејс на софтверската апликација им овозможува на корисниците пристап до моменталните и до историските информации. Исто така, корисниците на системот добиваат известувања за генерирани аларми на нивните мобилни уреди. Дополнително, корисниците имаат и корисничка алатка за генерирање извештаи.

Целото решение, вклучувајќи ја и сензорската и апликативната страна, е високо стабилно и имплементирано со користење на микросервисна архитектура со висока достапност.

Решението исто така е многу енергетски ефикасно: енергијата за полнењето на батеријата се добива од нејзиниот соларен панел – тој е целосно самодоволен дури и во облачни денови. Исто така, нема потреба од дополнително одржување поврзано со замена на батеријата.

Примена

Ова најсовремено решение е дизајнирано за да помогне во еколошката одржливост и благосостојбата на локалните заедници и на општеството како целина. Тоа го привлече вниманието на општините, како на пример Вроцлав во Полска, коишто после еколошката криза покрај реката Одра во 2022 година, ја прифатија нашата технологија за заштита на околината.

Покрај за општините и за градежништвото, решението секако е интересно и за различни индустрии и организации коишто се посветени на еколошкото управување и на заштитата на животната средина.

Следење на квалитетот на водите

{{Title}}