Македонски Телеком и T-Mobile се домаќини на 45-тата по ред меѓународната конференција на Ериксон корисници

Македонски Телеком и T-Mobile се домаќини на 45-тата по ред меѓународна конференција на Ериксон корисници, која за прв пат годинава се одржува во Македонија, од 11 до 13 октомври, 2011 година.
На конференцијата присуствуваат над 150 претставници од телекомуникациски оператори, од повеќе од 50 држави. Претставниците на најголемите светски телекомуникациски компании разменуваат искуства и сознанија за мрежните продукти во производство на Ериксон, а истовремено се презентираат технолошките трендови и новини, се прават планови за подобрување на постојната опрема или софтверските функционалности со цел да се задоволат потребите на корисниците.
Конференцијата е целосно кориснички ориентирана, затоа што учествуваат конкурентни оператори, а е во функција на подобрување на продуктите и условите за нови технолошки решенија, одржување и надградба на мрежата, како и обезбедување на најголемата можна брзина за проток на сообраќајот.
Главниот директор за техника на Македонски Телеком, Торстен Алберс на отворањето на конференцијата истакна дека е особено гoрд што T брендот, во Македонија застапуван од Македонски Телеком и Т-Мобиле ги собрал на едно место претставниците од давателите на телеком услуги од повеќе од 50 земји ширум светот.
„Со оваа конференција, која што се оддржува за прв пат овде, не само што го промовираме Т брендот, туку ја промовираме и државата Македонија. Ние сме овде за да работиме и дискутираме за задоволување на потребите на крајните корисници. Нашите корисници имаат потреба од најдоброто. Денес не се натпреваруваме, иако сме секојдневно во трка за да ја задржиме својата лидерска позиција. На оваа конференција, сите заедно сме собрани за да ги најдеме и понудиме најдобрите решенија за пазарот за наредните години. На македонските корисници, сакаме да им ги понудиме сите сервиси од следната генерација од едно место“, рече Торстен.
Според Томас Далберг, менаџер од Ериксон, мобилните широкопојасни услуги, експлозијата на податоци и создавање на нови уреди се на врвот на листата на приоритети на секој оператор ширум светот.
„Во наредните пет години, бројот на мобилни корисници ќе порасне од 5,5 милијарди на 9 милијарди во светски рамки. И во 2016 година, ќе има приближно 5 милијарди претплатници на мобилните широкопојасни услуги. Дополнително на ова, во вмреженото општество, се што може да има придобивка од конекција ќе добие конекција. Во вмреженото општество, многу индустрии ќе се трансформираат преку употребата на мобилни широкопојасни услуги и ќе бидеме сведоци на употребата на мобилни широкопојасни услуги и поврзувањето на начини што никогаш не сме ги замислиле“, истакна Далберг.
T-Mobile соработува со Ериксон 15 години во мобилниот сегмент, а од годинава со проектот со надградба на мрежата кој неодамна го промовиравме, партнерството се прошири и во фиксниот сегмент.

Соопштенија за медиуми

{{Title}}