Звучи филмски, ама и вистински. А и лесно изводливо е кога се има добра технологија, па од обичен дом правиме паметен дом за уживање

Можете ли да изброите колку пати сте се вратиле од половина пат назад дома да проверите дали сте го исклучиле шпоретот? Колку пати, возејќи се на кај работа, сте помислиле дали сте ја заклучиле вратата на излегување? Колку често си помислувате дали некој може да ви го обие станот? Колку пати сте ги разбудиле сите дома среде ноќ барајќи го прекинувачот за да вклучите светло? Сето ова барем по два пати во неделата.

А зошто место овие грижи не се случува сосема спротивното? Можно е и без да се враќате во иднината.

Се будите сабајле и само што ќе станете од креветот, се вклучува кафематот во кујната. Ја отворате вратата од балконот во спалната соба да проветрите и во исто време прочистувачот на воздух се активира сам. Ја затворате вратата – се исклучува прочистувачот.

Одите по вашето кафе во кујната. Тоа е идеално топло, но не и вашата дневна соба. Дека дома е ладно јавува вашиот мобилен телефон, а на радио велат дека и надвор е минус, ама мора да се оди на работа. На излегување шал и капа задолжително. Да се исклучи кафематот, сите светла, радиото... не е задолжително. Пред да се фатите за влезната врата правите само еден клик, заклучувате и заминувате. Домот е безбеден, безжичната правосмукалка чисти низ дома, а вие сте си раат.

Се враќате од работа. Само што ќе помислите да одморите, сама се вклучува столната светилка, а на вас е само да го земете мобилниот телефон и да одберете боја на светлото која најмногу му одговара на вашиот умор. И навечер иста прикзна – се будите, а ноќната светилка ве следи.

До следното утро, кога кафематот пак ќе се вклучи сам истиот момент кога ќе ги облечете собните папучи.

Звучи филмски? Да. Ама и вистински. А и лесно изводливо е кога се има добра техника, па од обичен дом правиме паметен дом за уживање. Како? Ајде да го премотаме филмот од почеток.

Шест часот наутро. Алармот звони. Станувате од креветот на кој има сензор кој го лови вашиот прв чекор и праќа сигнал до централен систем кој го активира кафематот. Ист сенсор ги лови движењата и праќа сигнал до истиот паметен центар да го вклучи прочистувачот на воздух истиот момент кога ќе отворите врата за да проветрите. Додека се облекувате и четкате заби, кафето е готово, на идеална температура. Но тоа што надвор е минус, изладило и дома. Сензорот за собна температура поставен во дневната соба праќа податок до вашиот мобилен на кој проверувате колку е дома ладно.

На излегување од дома ваше е само да го свртите клучот во бравата од влезната врата и пред тоа да стиснете едно копче кое со само еден клик на него праќа сигнал до главниот сензор дома кој истиот момент ги исклучува сите смарт уреди дома, а ги вклучува безбедносните камери и сензорите за движење. Така, ако ви влезе некој дома додека вас ве нема, сензорите и камерите го ловат веднаш, го снимаат провалникот и ви сигнализираат на вашиот смарт телефон на кој гледате директен пренос од провалата во вашиот дом. Доколку повикате полиција и тие брзо интервенираат, можеби ќе гледате и апсење на разбојникот во живо.

По долгиот и напорен ден единствено што сакате е да се истуширате и да се испружите пред телевизорот или да читате во дневната соба. Влегувате дома, а сензорите чувствителни на движење ги вклучуваат светилките. Сензорот поставен на троседот во дневната соба ве лови и уште пред да седнете ви ја вклучува столната светилка за пријатен амбиент, а вие преку апликација на вашиот смарт телефон, која е „во врска“ со светилките, можете да оберете нијанса и боја на светилката.

Ви доаѓаат гости, се дружите, вечерате, гледате добар филм... Ви годи друштвото и заборавате на кучето. Но сензорот за движење го лови вашето милениче кое решило да излезе во дворот и да ја брка мачката на соседите.

Кога одите на спиење дежурен останува сензорот на вашиот кревет кој чека да се разбудите и да станете, за да ви вклучи ноќно светло - да завршите работа, а никого да не разбудите. Освен паметниот дом.

Xiaomi, во соработка со Македонски Телеком нуди паметно решение кое овозможува преку една мобилна апликација да се вклучуваат повеќе уреди, од Вашиот паметен дом!

Статија

{{Title}}