Програма за САЈБЕР
безбедносен мониторинг
и детекција на закани во
корпоративна инфраструктура

Како изгледа мониторингот на сајбер закани во една голема корпоративна инфраструктура?

Во рамки на овој проект ќе имате можност да работите со современи алатки за безбедносен мониторинг и да учествувате во активности поврзани со откривање и анализа на безбедносни настани.

Повеќе за проектот

Проектот е насочен кон развој и унапредување на системите за сајбер безбедносен мониторинг во корпоративната инфраструктура на Македонски Телеком. Преку практична работа со платформите како Microsoft Defender for Endpoints и Splunk Enterprise, студентите ќе имаат преглед во процесите на собирање и анализа на лог-записи, детекција на потенцијални закани и подобрување на видливоста на безбедносните настани во системите.

Ваши секојдневни активности

Во рамки на проектот, студентот ќе има можност активно да учествува во имплементација, конфигурација и мониторинг на Microsoft Defender for Endpoint во корпоративна инфраструктура. Ова вклучува поддршка при заштита на сервери и работни станици, како и следење на безбедносни настани и аларми поврзани со потенцијални сајбер закани.

Дополнително, студентот ќе работи на интеграција на лог-извори во Splunk, со цел централизирано собирање и обработка на безбедносни лог-записи. Активностите ќе вклучуваат креирање на аларми, развој и оптимизација на dashboards, како и анализа на логови за детекција на потенцијалните закани и подобрување на видливоста на безбедносните настани во системите.

Квалификации

• Аналитички начин на размислување и внимание на детали.
• Интерес за кибернетичка безбедност и системска заштита.
• Желба за учење и работа со безбедносни алатки.
• Добри комуникациски вештини и способност за работа во тим.

Предност ќе имаат студентите од ФИНКИ и ФЕИТ.

Зошто да аплицирате?

• Практично искуство со enterprise cybersecurity алатки.
• Запознавање со процесите на безбедносен мониторинг и откривање на закани.
• Развој на вештини за анализа на логови и следење на безбедносни настани.
• Работа со платформи како Microsoft Defender for Endpoint и Splunk Enterprise.
• Искуство кое е многу вредно за кариера во cyber security.

Ако сакате да научите како се откриваат и анализираат сајбер закани во корпоративна инфраструктура, АПЛИЦИРАЈТЕ!