Мој
Телеком

Пристапете на страницата за најава преку https://mojtelekom.mk/, или кликнете на линкот „Најави се“ од менито на www.telekom.mk

На страницата за најава, доколку немате регистрирано Телеком профил, кликнете на линкот „Регистрирјате се“, под копчето за најава.

За да регистрирате Телеком профил, потребно е да ги внесете следните податоци:

• Име
• Презиме
• Е-адреса која ќе ја користите како корисничко име за најава.
• Лозинка, која ја дефинирате вие.

По полнување на податоците, ќе добиете линк за потврда и активирање на Телеком профилот.

Линкот за активирање на Телеком профил има валидна употребливост во траење од 24 часа. Доколку не го кликнете во тој период и не ја потврдите регистрацијата, Телеком профилот нема да се регистрира.

На страницата за најава кликнете на линкот „Ја заборавивте лозниката?"
На следната страница во полето внесете ја е-адресата која ја користите како корисничко име.
По внесувањето на вашата е-адреса ќе добиете линк кој со клик ве води до страницата со форма за промена на лозинката.
Линкот во е-адресата за промена на лозинка има валидна употребливост во траење од 30 минути. Доколку не го кликнете во тој период и не ја потврдите промената на новата лозинка, сѐ уште ви останува во употреба старата, последно дефинирана лозинка.
Доколку при промена не ви биде прифатена дефинираната лозинка, за ваша заштита, во функција е правилото да не може да ги користите последните 5 искористени лозинки.

Со регистриран Телеком профил од ваша страна и креирани единствени податоци за најава: корисничко име и лозинка, на безбеден начин имате можност да пристапите до Мој Телеком, како и до следните веб и мобилни апликации и платформи: Telekom MK - мобилната апликација, верзија на Мој Телеком; онлајн продавницата на Македонски Телеком и порталот www.telekom.mk; MaxTVGO – веб и мобилна апликација.

Виртуелен техничар е алатка со која можете да ги решите можните пречки, брзо, лесно и самостојно. Благодарeние на оваа алатка кога сте најавени на Мој Телеком платформата или на Telekom MK мобилната апликација, со неколку клика ќе бидете во можност да детектирате, отстраните или пак, да пријавите пречка што се однесува на фиксни сервиси поврзани со Интернет, Телевизија и Телефонија, како и да пријавите проблем со мобилната телефонија.
Во момент кога имате проблем со сервис од фиксна линија, наместо да чекате на слободен агент во Контакт центар, обидете се да го средите проблемот преку Виртуелниот техничар.
Виртуелниот техничар ќе ги поправи пречките од вашата линија доколку имате проблеми кои можат да се отстранат далечински и не се поврзани со прекин на линија или неисправеност на уредите во вашиот дом.