Во соработка со NALAS (Мрежа на здруженија на локалните власти од Југоисточна Европа), имплементиравме решение за далечинско следење на виталните параметри на пациентите во главниот здравствен дом во Делчево.
Овој систем овозможува континуирано следење и рана детекција на потенцијално ризични состојби, овозможувајќи му на медицинскиот персонал навремена и прецизна реакција. 

Клучни карактеристики:

• Следење на виталните знаци во реално време (пулс, притисок, заситеност со кислород итн.)
• Безбеден cloud панел достапен за лекарите и здравствените установи
• Докажан ефект: системот спречи срцев удар, што беше широко препознаено во медиумите низ Балканот

Ова решение покажува како технологијата може директно да спасува човечки животи.

Ова решение за телемедицина им овозможува на здравствените институции секојдневно складирање и размена на ЕКГ записи и дијагностички извештаи преку безбедна cloud платформа. Успешно се користи од повеќе специјализирани здравствени организации, овозможувајќи побрза и попрецизна соработка меѓу кардиолози и лекари од општа пракса.

• Складирање и споделување кардиолошки записи базирано на cloud технологија
• Интеграција со најкористениот софтвер за евиденција и закажување прегледи и водење медицински картони во јавните здравствени установи
• Автоматска дијагноза базирана на напредни AI алгоритми
• Поддршка на многу ЕКГ уреди и прилагодување по потреба

Ова решение овозможува побрза дијагностика, рана детекција, подобра координација и поквалитетна здравствена услуга.

Нашето најново решение овозможува следење на виталните параметри на пациентите за време на транспорт во амбулантно возило или при трансфер меѓу болници.

• Континуирано мерење и пренос на виталните знаци во реално време
• Алармирање при критични промени на состојбата
• Интеграција со болнички системи за централно следење
• Поддршка за побрз прием на итни пациенти и припрема за понатамошна медицинска интервенција

Ова решение има потенцијал да го унапреди квалитетот на итната медицинска грижа во целата земја.

Македонски Телеком го разви софтверското решение PACS (Picture Archiving and Communication System) и RIS (Radiology Information System) коешто безбедно чува, презема и споделува дигитални медицински слики, вклучувајќи ултразвук, рентген, CT и MRI, со пациентите и докторите.

Нашиот PACS/RIS софтвер овозможува медицинските студии да се чуваат во cloud на Македонски Телеком, без разлика на модалитетот. Покрај архивирањето, решението нуди:

• Алатки за уредување медицински слики
• Резервни копии и записи за настани
• Ефикасно пребарување и преземање
• Споделување и соработка со други доктори или пациенти

Со користење на нашиот софтвер, здравствените установи можат да ги намалат трошоците поврзани со радиографски филм, термална хартија и CD/DVD, а истовремено да го оптимизираат работниот процес преку дигитални работни листи на модалитети. Системот комуницира со различни модалитети преку протоколот DICOM, а ние континуирано го прошируваме списокот на поддржани уреди.

Дополнителните карактеристики вклучуваат:

• Поддршка за повеќе организации и управување со корисници/улоги
• Напредни опции за конфигурација
• Флексибилност за промена или додавање нови функции според барањата на корисникот
• Интеграција со различни модалитети за снимање и различни HIS системи
• Врвна безбедност преку користење VPN/APN на Македонски Телеком

Во Македонија, неколку клиники успешно гo користат нашето PACS/RIS решение и изразија високо задоволство од неговата функционалност.