Деловен континуитет со Македонски Телеком

Изложеноста на компаниите на интернет, како и самото онлајн деловно работење носи ризици коишто ги загрозуваат податоците на компаниите. Бројот и типот на заканите што можат да се појават преку интернет постојано се зголемува и се надоградува. Една од клучните стратегии коишто треба да ги поседува секоја компанија чија цел е унапредување на работењето преку дигитализација на своите процеси е креирањето на план за справување со овие безбедносни предизвици.

Алатките со кои може да се минимизираат и да се ублажат последиците од безбедносните ризици треба да бидат од клучна важност за секоја компанија и притоа тие треба да обезбедат:

Превенција од можни напади/инциденти;
Подготвеност во случај на напад/инцидент;
Одговор на секој напад/инцидент којшто не можел да биде спречен;
Оправување од штетите коишто биле предизвикани од нападот/инцидентот.

Сепак, постоењето на експертиза и стручни лица коишто ќе можат да ги постават и да ги одржуваат ваквите алатки, како и да управуваат со нив, е најголемиот предизвик со кој се соочуваат компаниите, особено оние од помал обем.

Македонски Телеком, како доверлив дигитален партнер на бизнисите и институциите, има одговор на сите безбедносни предизвици во информатичката околина.

Како деловен партнер на светски познати и признаени брендови од областа на информатичката безбедност, Македонски Телеком во своето портфолио нуди услуги за обезбедување максимална заштита на деловните податоци и деловен континуитет на сите активности на компаниите.

Во случај на каков било инцидент во информатичката околина, со услугата за креирање резервни копии на деловните податоци, компаниите се сигурни дека во секој момент ќе имаат копија од своите важни документи. Услугата е дизајнирана на начин да одговара на сите бизнис потреби, независно од големината на компанијата, овозможувајќи им на компаниите подготвеност во случај на инцидент и одговор на сите типови на можни закани. Со принципот BaaS (Backup as a Service), на кој се базира самата услуга, компаниите добиваат дополнителен бенефит, елиминирајќи ја потребата од посветување сопствени ресурси за оваа намена, како и вложување во големи инвестиции. Со оваа услуга, сите резервни копии на податоците на компаниите се чуваат во податочниот центар на Македонски Телеком којшто ги запазува сите стандарди за безбедност на податоците и за податочни центри. Одржувањето и функционирањето на услугата е целосна одговорност на Македонски Телеком.

Честопати, кај компаниите коишто се цел на интернет-напад доаѓа до оневозможување и блокирање на примарната локација којашто е неопходна за непречена работа на бизнисот. Ваквото блокирање за компаниите значи застој во работењето и носи како финансиски, така и репутациски ризици. За да се овозможи континуитет во работењето на компаниите, Македонски Телеком создаде услуга за опоравување од настанати катастрофи (Disaster Recovery) со која се овозможува постојано и непречено функционирање на деловните активности. Идентично како и услугата за креирање на резервни копии, и оваа услуга е базирана на принципот DRaaS (Disaster Recovery as a Service) каде целосната информатичка инфраструктура потребна за опоравување од катастрофи е сместена во податочниот центар на Македонски Телеком. При настанат инцидент, во функција се става локацијата за опоравување од катастрофи, сè до моментот кога компаниите се сигурни дека примарната локација е целосно функционална и безбедна за понатамошна работа.

Во денешната онлајн деловна околина, од суштинско значење е да имате партнер со кој сте сигурни дека ќе бидете подготвени во случај на било каков информатички инцидент, без разлика дали е тоа интернет напад или инцидент со хардверските ресурси. Вистинскиот избор е Македонски Телеком, вашиот партнер за безбедна дигитализација на вашиот бизнис.

Деловен Континуитет

Деловен континуитет со Македонски Телеком

{{Title}}