Инвестиција во подобро утре со платформа за групно донирање

Соработка на Фондацијата Телеком за Македонија и Конект

Постојат многу граѓански организации во Македонија коишто се борат за подобар живот на ранливи групи граѓани, поздрава животна средина, решавање локални проблеми на заедниците. И покрај тоа што имаат одлични иницијални идеи, на овие организации им се потребни дополнителни фондови за да ја исполнат својата цел.

Здружението Конект, за да им помогне на овие организации да соберат средства, но и да се поврзат со потенцијалните идни партнери и донатори, ja креираше платформата за групно донирање: www.opop.mk Платформата е реализирана во соработка со Фондацијата Телеком за Македонија, со што се разви партнерство преку кое се обезбедува донирање за развојни цели, не само на едноставен туку и на сигурен начин. Токму користењето на технологијата за подобар живот е дел од нашата стратегија кон која целиме со конкретни проекти.

Платформата користи најсовремени онлајн и мобилни системи, како и најнови технологии на заштита и овозможува едноставно пребарување широка база на граѓански организации со специфични проекти. Нејзината структура ги насочува донаторите лесно да направат избор од бројните иницијативи коишто се внимателно проверени и одбрани и коишто имаат потенцијал за долгорочно влијание и придонес кон одржливиот развој на: квалитетно образование, достоинствена работа и одржлив раст, добро здравје и благосостојба и искоренување на сиромаштијата.

Преку платформата се донира во првиот донаторски фонд во земјава за кој организациите аплицираат преку отворени повици, а проектите се одбираат од независни комисии по транспарентни и јасни критериуми. Сите проекти на платформата имаат широко и/или долгорочно влијание во решавање на проблемите на граѓаните и унапредување на животот на локалните заедници.

Платформата со помош на технологија создава стратешки филантропски механизам којшто им овозможува на донаторите да го зајакнат своето влијание на повисоко ниво здружувајќи ги донациите. Дополнително, се создава мрежа на филантропски организации коишто стануваат видливи и отворени за целата јавност и полесно стигаат до својата цел. Со www.opop.mk секој може да донира и да биде дел од решението.

Инвестиција во подобро утре со платформа за групно донирање

{{Title}}