Услуга за хостирана IP-телефонија

Македонски Телеком, како лидер во телекомуникацискиот сегмент, во своето портфолио нуди комплетно управувана услуга за говорна, податочна и видео деловна комуникација - Business Collaboration Service (BCS).

Услугата е базирана на Cisco Unified Collaboration платформа, хостирана во податочен центар на Македонски Телеком, со која се обезбедуваат основни и напредни функционалности за корпоративна хостирана IP-телефонија, можност за мобилни комуникациски услуги, како и видео и веб-колаборациски сервиси. Притоа, дизајнот, инсталацијата, конфигурацијата и оперативното одржување ги обезбедува Македонски Телеком.

За секој деловен корисник се доделува посебна виртуелна инстанца на Cloud, којашто се обезбедува преку редундантна физичка инфраструктура. Виртуелните инстанци се обезбедуваат преку напредни виртуелизациски технологии коишто придонесуваат за безбедна и високо достапна околина за секој корисник. Исто така, напојувањето на оваа Cloud платформа е редундантно, како и мрежниот дел и безбедносната инфраструктура, што резултира со високо ниво на достапност на услугата.

Самата услуга се заснова на најнова технологија, имплементирана со најдобри практики при дизајнот и обезбедува оптимално димензионирање за секој корисник и напредни функционалности кај говорните услуги.

На овој начин корисниците добиваат напредна корпоративна IP-телефонија без почетна инвестиција во инфраструктурна и комуникациска опрема, за фиксен месечен надомест со модел “Pay as you use” („Плати колку што користиш“).

Притоа услугата е флексибилна и овозможува брза и лесна надградба на капацитетот или воведување нов сервис во согласност со потребите на корисникот.

Услугата вклучува:

IP-телефонија – говорна услуга којашто се реализира преку IP-мрежа со користење Cisco IP-телефони како краен кориснички уред;
Cisco Jabber за IM&Presence - софтверска апликација за компјутери и мобилни уреди преку која може да се врши напредна Instant Message (IM) комуникација;
Cisco Jabber за Voice&Video - комплетна верзија на Jabber апликацијата којашто овозможува комуникација и достапност на вашиот број во канцеларија, каде и да се наоѓате.

Придобивки од услугата

Корисникот добива решение „клуч на рака“, целосно управувано од Македонски Телеком
Воспоставување напредни комуникациски канали во и надвор од рамките на компанијата
Зголемена достапност на комуникациските услуги
Воведување напредни функционалности кај стандардните говорни услуги
Искористување на постоечките IP-мрежни ресурси за остварување стандардни говорни услуги
Зголемување на ефикасноста на вработените преку брза и едноставна комуникација
Подобрена оперативна флексибилност и скалабилност.

Услуга за хостирана IP-телефонија

{{Title}}