Паметно мерење и управување со енергија за улично осветлување

Македонски Телеком реализираше проект со примена на сопствено решение за паметно мерење и управување со енергија, за потребите на уличното осветлување во Општина Кочани.

Во рамките на проектот беа инсталирани нашите контролери за управување и мерење на искористената електрична енергија, коишто покрај самото мерење даваат и голем број на дополнителни параметри: напони на секоја фаза, проток на струја на секоја фаза и моменталната моќност што се користи на секоја фаза, како и информации за вкупната потрошена енергија.

Решението за управување со уличното осветлување е целосно имплементирано од страна на Македонски Телеком и во една целина вклучува IoT контролер развиен во Македонски Телеком, паметно електрично броило и струјни трансформатори од реномиран светски производител – сите сместени во електро кабинет.

Користејќи ја мобилната мрежа, IoT контролерите се поврзани од целиот систем за улично осветлување на една управувачка конзола, каде што во база на податоци се регистрираат сите отчитани параметри, што понатаму служат за генерирање извештаи за потрошувачката на енергија, отстранување дефекти и анализа на заштедите на енергија. Управувачката конзола овозможува автоматска и рачна контрола на вклучувањето и исклучувањето на осветлувањето. Автоматската контрола вклучува читање на времињата на зајдисонце и изгрејсонце од астрономски часовник што овозможува подоцнежно вклучување на осветлувањето и негово рано исклучување. Со овој начин на управување, се креира можност уличното осветлување да не се вклучува кога во текот на денот за малку е намалена видливоста поради магла или облачно време, што не е случај кога управувањето е изведено преку оптички сензори. На тој начин светилките светат и до 16 отсто помалку од времето. Исто така, подоцна во ноќта, светилките можат да го намалуваат интензитетот на светлина, а со тоа и потрошувачката за 50% поради фактот дека движењето на граѓаните е скоро минимално во доцните ноќни часови, а сепак осветлувањето е задржано. Така, решението обезбедува заштеда на електрична енергија за општината.

Конзолата овозможува и мапирање на карта со точни географски координати на секој поставен кабинет за контрола, за лесно пронаоѓање и побрза интервенција. Секако, тука е присутна и рачната контрола којашто овозможува вклучување и исклучување по потреба, на пример при отстранување на дефекти во електричната мрежа.

Како резиме, со ова решение, општината доби подобра контрола на осветлувањето, заштеди на електрична енергија, увид во можните злоупотреби на мрежата и секако намалена емисија на CO2 како резултат на овие заштеди.

Паметно мерење и управување со енергија за улично осветлување

{{Title}}