РОАМИНГ ВО ЗАПАДЕН БАЛКАН

Регулативата за Западен Балкан важи за сите оператори во земјите од Западен Балкан.

Откако корисниците ќе го искористат доделениот интернет додека се во некоја од земјите на Западен Балкан, пристапот до услугата се прекинува и корисниците можат да продолжат да користат интернет само доколку активираат дополнителен роаминг интернет пакет.

Со цел да се заштити од злоупотреби и невообичаена употреба на регулираните малопродажни услуги во роаминг, Телеком ќе ја применува политиката за фер користење во однос на трошењето на регулираните малопродажни услуги во роаминг. Принципите и правилата по кои се врши ова се детално урврдени во Правилникот за политики на фер користење и проценка на одржливоста на укинувањето на дополнителните надоместоци за регулирани малопродажни услуги во роаминг и за барањето што го доставува операторот за целите на таа проценка.

При престој во други балкански земји кои не се дел од регулативата за Западен Балкан, важат редовните роаминг цени согласно со официјалниот Ценовник за роаминг. Сепак, за пониски трошоци и подобро корисничко искуство при користење на интернет, корисниците може да активираат дополнителни роаминг интернет пакети.

Ако патувате во Грција, Турција, Хрватска или Бугарија, може да го активирате Интернет Балкан пакетот и промотивно да добиете 3 GB интернет во роаминг со важност од 30 дена. Дознајте повеќе овде.

Одредени содржини како што се MaxTV GO, HBO Go, Stream On, Speak Out и друг тип на дополнителни услуги, како и услугите со посебна цена на чинење, нема да им бидат достапни на корисниците со оглед на нивната достапност само на територија на Македонија во согласност со условите за користење на тие услуги.

Исто така, дополнителните Инстант (30-дневни) интернет пакети на Македонски Телеком (кои се активираат еднократно откако ќе се потроши интернет сообраќајот вклучен во тарифата), за приватни и деловни корисници, нема да им бидат достапни на корисниците, со оглед на нивната достапност само на територија на Македонија во согласност со условите за користење на тие услуги.

Дополнително, припејд корисниците кои имаат активни дополнителни пакети (како што се пакети за разговори, СМС пакети, интернет пакети со вклучен сообраќај - минути, СМС пораки или интернет во мрежата на Македонски Телеком или мрежата на другите оператори во рамките на Македонија), нема да можат да ги користат додека се во роаминг во WB6, со оглед на нивната достапност само на територија на Македонијa.

Тарифирањето на сообраќајот во земјите на Западен Балкан (интернет сообраќај, говорен и СМС сообраќај) ќе го следи тарифирањето на националниот сообраќај кон другите национални мрежи во соодветниот тарифен модел кој го користи корисникот, согласно со официјалниот Ценовник.

Доколку сте постпејд корисник со вклучени разговори и СМС пораки кон други домашни мрежи и интернет во вашата претплата, немате дополнителни трошоци за појдовен сообраќај. Доколку сте припејд корисник, појдовните повици се наплаќаат соодветно на тарифниот модел (видете ги табелите со деталните цени погоре во документот ).

Појдовните повици во роаминг на територијата на WB6 земјите, кон држава која не е дел од Западен Балкан, ќе се тарифираат како регуларни појдовни роаминг повици според официјалниот Ценовник за роаминг во зависност од тарифата на корисниците.

Дојдовните повици примени од оператори од WB6 земјите, кога корисниците се на територија на земјите од Западен Балкан не се наплаќаат, односно се третираат како дојдовни повици во домашна мрежа.

Дојдовните повици од други земји кои не се дел од WB6, примени додека корисниците се во роаминг на територија на Западен Балкан, ќе се тарифираат како регуларни роаминг дојдовни повици според официјалниот ценовник во соодветната тарифа.

Повиците со USSD (*123*) не се дел од регулираните роаминг повици во земјите од Западен Балкан (WB6). Повиците кои ќе бидат направени со користење на *123* односно со USSD-код од овие земји ќе бидат тарифирани како USSD повик, по стандардните цени за USSD повици.

Повиците или SMS пораките кон број од земјите од Западен Балкан, додека корисникот се наоѓа во Македонија се тарифира по цените за меѓународни повици/SMS.
Повеќе детали за роаминг во Западен Балкан овде.

Доколку имате активен роаминг пакет ( Интернет Балкан или Интернет Свет) и се наоѓате во некоја од земјите од Западен Балкан, вклучениот интернет роаминг сообраќај достапен за вашата тарифа, има приоритет на трошење над дополнителниот активиран пакет. Интервалот на тарифирање е 10 KB.