Një prej sfidave më të mëdha sot është se si do të ndërtojmë shoqëri korrekte dhe digjitale ku do të ketë vend për të gjithë pa përjashtim. Tejkalimi i hendekut digjital është detyrë e të gjithë faktorëve në shoqëri dhe përcaktim i yni strategjik. Në qershor 2019, Fondacioni Telekom për Maqedoninë dhe UNICEG dakorduan partneritet – “Inkluzioni digjital” (DigitalInclusion) për tejkalimin e barrierave me të cilat fëmijët dhe të rinjtë me aftësi të kufizuara ballafaqohen për krijimin e zgjidhjeve inkluzive digjitale për qasje më të mirë në arsim dhe inkluzionin e personave me aftësi të kufizuara në bashkësi.

GenerationUnlimited– sfidë globale për inovatorët e rinj

Mënyra më e mirë për të bërë një ndryshim është përfshirja e të rinjve në krijimin e zgjidhjeve, veprim që jo vetëm që i lejon ata të krijojnë dhe përdorin teknologji në mënyrë inovative, por gjithashtu i inkurajon ata të mendojnë hapur dhe në mënyrë inkluzive. Kjo është arsyeja pse një nga nismat e partneritetit është GenerationUnlimited - thirrje publike për inovatorët e rinj për shpikjen e zgjidhjeve digjitale. GenerationUnlimited është sfidë globale e të rinjve që zhvillohet në 41 vende të botës. Në vend, të rinjtë u ftuan të ofrojnë përgjigje inovative në pyetjen "Si mund të kontribuojë teknologjia digjitale në përfshirjen më aktive të fëmijëve dhe të rinjve me aftësi të kufizuara në arsim dhe jetën e përditshme?". Sfida e të rinjve u zbatua me mbështetjen e SmartAP dhe Lidhjes së vrojtuesve të Maqedonisë.

Bashkëpunim me mentorë nga Telekomi

Në thirrjen e hapur të GenerationUnlimited të publikuar në tetor 2019 nga UNICEF dhe Fondacioni Telekom për Maqedoninë, u paraqiten 50 ekipe nga 220 të rinj të moshës prej 14 deri në 24 vjeç. Janë përzgjedhur 10 ekipe - finaliste, dhe në secilin prej ekipeve ka nga një anëtar person me aftësi të kufizuara, në mënyrë që problemi të mund të arrihet përmes një personi që përjeton drejtpërdrejt pengesat në shoqëri. Dhjetë ekipet finaliste kanë punuar në sfidën me ndihmën e mentorëve të Telekomit: inxhinierë, IT dhe specialistë të marketingut, të cilët e vunë ekspertizën e tyre në dispozicion të ekipeve, por gjithashtu mësuan shumë nga vetë inovatorët e rinj. Në punëtoritë paraprake, të mbajtura në nëntor 2019, ekipet e reja mësuan bazat e teknologjisë ndihmëse dhe përfshirjes digjitale dhe punuan me mentorët për të formuluar idetë e tyre.

Designthinkingpunëtori për zhvillimin e ideve

Në dhjetor dhjetë ekipe kanë punuar në zhvillimin e ideve për zgjidhjet digjitale për tejkalimin e barrierave me të cilat fëmijët dhe të rinjtë me aftësi të kufizuara ballafaqohen në arsim dhe jetën e përditshme. Përkushtimi, fokusi dhe energjia pozitive e ekipeve i dhanë rezultatet.
Të gjitha ekipet dëshmuan se me ndihmën e teknologjisë mund të krijohen vegla të cilat do t’i zhvendosin kufijtë dhe do ta bëjnë dallimin e vërtetë.
Prej dhjetë ekipeve pjesëmarrëse, u zgjodhën pesë të cilat do të vazhdojnë më tej t’i zhvillojnë idetë e tyre me mjete financiare shtesë dhe me mbështetje mentore.

Pesë zgjidhjet inovative të reja

1. Dorë bionike

BionicTeam (Ekipi bionik) dizajnoi dorë roboti me çmim të arsyeshëm që i lexon sensorët e muskujve dhe u ndihmon në jetën e përditshme njerëzve pa ekstremitete. Secili do të mund ta zgjedhë madhësinë e tij, t’i marrë modelet falas për shtypje 3D përmes internetit, ta shtypë konstruksionin e shtypësit 3D, t’i porosisë pjesët e tjera nga interneti dhe ta kontruojë vet pa përvojë paraprake. Modeli kushton midis 150 dhe 200 dollarë dhe do të jetë në dispozicion edhe për ata që nuk kanë mundësi të ndajnë shumë mjete.

2. Menyja inkluzive

Ekipi MindBenders dizajnoi Meny inkluzive digjitale për restorante në dispozicion për të gjithë, e zhvilluar me ndihmën e parimeve për disejn universal. Kjo zgjidhje do t’ju mundësojë personave me aftësi të kufizuara në mënyrë të pavarur t’i shqyrtojnë menytë në lokale. Menyja është në forma të ndryshme, të përshtatura për çrregullimet e ndryshme të shikimit, dëgjimit, disleksisë, pengesës intelektuale.

3. Karrocë e mençur me rrota (invalidore)

Ekipi nga Zero në Hero dizajnoi karrige të mençur me rrota e cila drejtohet me kontrollin e syve dhe ka sensorë për ndjekjen e gjendjes fizike të shfrytëzuesit, si edhe sensorë për detektimin e objekteve. Sistemi mund të instalohet në karriget ekzistuese me rrota apo invalidore të cilat nuk kanë kurrfarë kontrolli. Me këtë zgjidhje edhe karrigia më e thjeshtë me rrota mund të bëhet e mençur me mjete financiare minimale. Lëvizjen dhe gjendjen shëndetësore të personit me aftësi të kufizuara mund ta ndjekë nga larg çdo anëtar i familjes së tij.

4. Aplikacion për përkthimin e gjuhës së folur në gjuhë të shenjave

Ekipi PortComSign (PortKomSajn) dizajnoi aplikacion i cili e shndërron gjuhën e folur në gjuhë të shenjave dhe anasjelltas. Ekipi u stimulua ta zgjidhë problemin e komunikimit midis personave të shurdhër dhe të gjithë atyre të cilët nuk e njohin gjuhën e shenjave. Aplikacioni do të mundësojë përkthimin e gjuhës së shenjave në tekst dhe zë, që personi i shurdhër të kuptohet dhe anasjelltas, përkthimi me zë në tekst dhe animacioni i gjuhës së shenjave.

5. Aplikacion për socializimin e personave me pengesa intelektuale

Ekipi i SomethingUnordinary (Diçka e pazakontë) dizajnoi aplikacionin celular Një + Një i cili i lidh vullnetarët me familjet e fëmijëve dhe të rinjve me pengesa intelektuale. Të nisur nga fakti se personat me pengesa intelektuale shumë rrallë apo aspak nuk dalin prej shtëpive të tyre apo institucioneve, ekipi krijoi aplikacion përmes së cilit familjet do të mund të gjejnë vullnetar të organizojnë aktivitete sociale për fëmijët e tyre.

Finalistët dhe pjesëmarrja në sfidën globale

Të gjithë pesë finalistët kanë punuar me mentorët e tyre në zgjidhje deri në prill 2020, kur në një ngjarje onlajn i prezentuan zgjidhjet e tyre. Juria i zgjodhi dy ekipet më të mira – “Bionic” me zgjidhje për përpunimin e dorës së robotit e kapshme në aspektin financiar dhe „MindBenders“ me menynë digjitale për restorantet me të cilën shërbimet bëhen inkluzive dhe në dispozicion për të gjithë. Ekipi “Diçka e pazakontë” me aplikacionin e tij Walkie i cili i lidh vullnetarët me fëmijë dhe të rinj me pengesa intelektuale për organizimin e aktiviteteve sociale, e fituan vendin e tretë. Ekipet fituese fituan shpërblim financiar dhe mbështetje shtesë mentore për ta vazhduar ndërtimin e nismës së tyre. Në qershor 2020, dy zgjidhjet finale të vendit do të konkurrojnë në nivel botëror. Ekipet e këtyre zgjidhjeve do të kenë mundësi të marrin mjete plotësuese në shumë prej 20.000 dollarë, me programin global për inkubim prej partnerëve të GenerationUnlimited.

Аrtikull

{{Title}}